Balade à sa mère, pour prier nostre Dame

Balade à sa mère, pour prier nostre Dame

Original Text

"François Villon," Representative French Poetry, ed. Victor E. Graham, 2nd edn. (Toronto: University of Toronto Press, 1965): 6-7. From Le Testament, lines 873-909.

1Dame du ciel, regente terrienne,
2Emperiere des infernaux palus,
3Recevez moy, vostre humble chrestienne,
4Que comprinse soye entre vos eslus,
5Ce non obstant qu'oncques rien ne valus.
6Les biens de vous, ma Dame et ma Maistresse,
7Sont trop plus grans que ne suis pecheresse,
8Sans lesquelz biens ame ne peut merir
9N'avoir les cieulx. Je n'en suis jangleresse:
10En ceste foy je vueil vivre et mourir.
11A vostre Filz dictes que je suis sienne;
12De luy soyent mes pechiez abolus;
13Pardonne moy comme a l'Egipcienne,
14Ou comme il feist au clerc Theophilus,
15Lequel par vous fut quitte et absolus,
16Combien qu'il eust au deable fait promesse.
17Preservez moy de faire jamais ce,
18Vierge portant, sans rompure encourir,
19Le sacrement qu'on celebre a la messe:
20En ceste foy je vueil vivre et mourir.
21Femme je suis povrette et ancïenne,
22Qui riens ne sçay; oncques lettre ne lus.
23Au moustier voy, dont suis paroissienne
24Paradis paint, ou sont harpes et lus,
25Et ung enfer ou dampnez sont boullus:
26L'ung me fait paour, l'autre joye et liesse.
27La joye avoir me fay, haulte Deesse,
28A qui pecheurs doivent tous recourir,
29Comblez de foy, sans fainte ne paresse:
30En ceste foy je vueil vivre et mourir.
31Vous portastes, digne Vierge, princesse,
32Iesus regnant qui n'a ne fin ne cesse.
33Le Tout Puissant, prenant nostre foiblesse,
34Laissa les cieulx et nous vint secourir,
35Offrit a mort sa très chiere jeunesse;
36Nostre Seigneur tel est, tel le confesse:
37En ceste foy je vueil vivre et mourir.

Notes

2] palus: swamps, marshes. Back to Line
4] "That I may be numbered among the elect." Back to Line
5] oncques: jamais. Back to Line
8] merir: mériter. Back to Line
9] jangleresse: liar. Back to Line
13] Saint Mary the Egyptian, a sinner who became a nun and then a saint. Back to Line
14] The Clerk Theophilus of Cilicia who was supposed to have sold his soul to the devil, repented, and been saved by the Virgin Mary. Back to Line
18] sans rompure encourir: a reference to the virgin birth. Back to Line
19] Le sacrement: The Eucharist. Back to Line
23] moustier: the church (here, the Church of the Célestins in Paris). Back to Line
24] lus: luths. Back to Line
25] boullus: bouillis. Back to Line
27] fay is imperative. Back to Line
33] prenant nostre foiblesse: incarnated as man. Back to Line
RPO poem Editors
Victor E. Graham
Data entry: Sharine Leung
RPO Edition
2012
Rhyme
ababbccdcd
Form
dixaines