Ballade des Dames du Temps Jadis

Original Text: 

François Villon, Oeuvres complètes, ed. Auguste Longnon (Paris: Lemerre, 1892): 33-34. Internet Archive

1Dictes moy où, n'en quel pays,
2Est Flora, la belle Romaine;
4Qui fut sa cousine germaine;
5Echo, parlant quand bruyt on maine
6Dessus riuière ou sus estan,
7Qui beauté ot trop plus qu'humaine?
8Mais où sont les neiges d'antan!
9Où est la tres sage Helloïs,
10Pour qui fut chastré et puis moyne
12Pour son amour ot cest essoyne.
14Qui commanda que Buridan
15Fust gecté en vng sac en Saine?
16Mais où sont les neiges d'antan!
17La royne Blanche comme lis,
18Qui chantoit à voix de seraine;
19Berte au grand pié, Bietris, Allis;
20Haremburgis qui tint le Maine,
21Et Iehanne, la bonne Lorraine,
22Qu'Englois brulerent à Rouan;
23Où sont elles, Vierge souuraine?`...
24Mais où sont les neiges d'antan!
Envoi
25Prince, n'enquerez de sepmaine
26Où elles sont, ne de cest an,
27Que ce reffrain ne vous remaine:
28Mais où sont les neiges d'anten?

Notes

3] Archipiada: Alcibiades.Thaïs: companion of Alexander the Great, and lover of Ptolemy, his general, a woman who led the destruction of Persepolis. Back to Line
11] Pierre Esbaillart: Abelard. Back to Line
13] la royne: Marguerite de Bourgogne. Back to Line
RPO poem Editors: 
Ian Lancashire
Data entry: Sharine Leung
RPO Edition: 
2012
Rhyme: 
Form: